SQO-da byltyr 5,9 mlrd teńgege 250 zamanaýı medıtsınalyq tehnıka satyp alyndy

PETROPAVL. KAZINFORM – Soltústik Qazaqstan oblysynda byltyr densaýlyq saqtaý salasyna 11,7 mlrd teńge bólindi. Bul qarajattyń 5,9 mlrd teńgesi materıaldyq bazany nyǵaıtýǵa jumsaldy. 

SQO qoǵamdyq keńeste qarjy basqarmasynyń jetekshisi Natalıa Dyshkant esep berdi. 

«Densaýlyq saqtaý salasyna byltyr 11,7 mlrd teńge bólinse, kúrdeli jóndeýge 1,8 mlrd teńge, qondyrǵylardy jańartýǵa 5,9 mlrd teńge jáne jańa nysandardyń qurylysyna 4,6 mlrd teńge jumsaldy. Qyzmet sapasyn arttyrý maqsatynda 250-den astam medıtsınalyq tehnıka, onyń ishinde qazirgi zamanǵy magnıtti-rezonanstyq jáne kompıýterlik tomograftar, ýltra-dybystyq zertteý apparattary, mammograftar, rentgendıagnostıkalyq jáne beıneendoskopııalyq jabdyqtar satyp alyndy.Sonymen qatar emdeý mekemeleriniń avtokólik parki 19 sanıtarlyq mashınalarmen tolyqty», - deıdi Natalıa Dyshkant.

Byltyr oblys boıynsha 27 emdeý mekemesinde jalpy somasy 1,9 mlrd teńgege kúrdeli jóndeý júrgizilgen. 

«Shaǵyn aýdandardyń salynýyna oraı, densaýlyq saqtaý nysandary qoljetimdi bolýy úshin Petropavldaǵy «Bereke» jáne «Jas Órken» shaǵyn aýdandarynda 250 adamdy qabyldaıtyn emhanalar qurylysy aıaqtaldy. «Aýyldyq densaýlyq saqtaýdy jańǵyrtý» ulttyq jobasy aıasynda aýyl turǵyndaryn alǵashqy medıtsınalyq-sanıtarlyq kómekpen qamtýdy ulǵaıtý maqsatynda 2025 jylǵa deıin aýyldarda 46 alǵashqy medıtsınalyq-sanıtarlyq kómek nysandary salynady. Byltyr osy maqsatqa 3 mlrd teńge bólinip, Lobanovo, ıAkor, Prıbrejnoe, Qaraqoǵa, Vozvyshenka, eldi mekenderinde dárigerlik ambýlatorııa, Tahtabrod, Prıvolnoe, Kladbınka eldi mekenderinde feldsherlik-akýsherlik pýnktter qurylysy aıaqtaldy», - deıdi Natalıa Dyshkant. 

Buǵan deıin SQO-da zııankestermen kúresý úshin bıyl 211,5 myń ga jýyq egis alqaby óńdeletindigin jazǵan edik.