SQO-da byltyr 3 myńǵa jýyq júrgizýshi kólik basqarý kezinde telefon paıdalanǵan
PETROPAVL. KAZINFORM – Soltústik Qazaqstan oblysynda tártip saqshylary kólik júrgizý kezinde telefon paıdalanǵandardy jazadap jatyr.
SQO polıtsııa departamenti baspasóz qyzmetiniń málimetinshe, qańtar aıynyń bir kúninde Petropavldaǵy kólik aǵylǵan Astana men Internatsıonal kósheleriniń qıylysynda polıtseıler beınekameralar arqyly osyndaı úsh zań buzýshylyqty tirkedi. Bul tek 12 mınýt ishindegi aralyqta ǵana anyqtalǵany. Júrgizýshiler alysqa uzamaı birden ákimshilik jaýapkershilikke tartyldy.
- Kólik júrgizý kezinde telefondy paıdalaný – eń kóp taraǵan quqyq buzýshylyqtardyń biri. Júrgizýshiler qozǵalys kezinde sóılesedi, kóshe qıylystarynda baǵdarshamnyń júrýge ruqsat beretin jasyl sıgnalyn kútip turǵanda áleýmettik jelilerdi qarap otyrady, tipti qozǵalar kezde kózderin telefonnan almaıdy.
Shamamen árbir besinshi jol-kólik oqıǵasy kóshe qıylystarynan ótý erejelerin buzǵandyqtan bolady. Sondyqtan mundaı ýchaskelerde muqııat bolǵan durys. Kólik júrgizý kezinde telefondy paıdalaný da apattylyqqa tikeleı áser etedi, - deıdi tártip saqshylary.
Polıtseıler osyndaı quqyq buzýshylyqtardy zamanaýı tehnıkalyq quraldarmen anyqtaýdy aldaǵy ýaqytta da jalǵastyrady. Byltyr SQO-da kólik júrgizý kezinde telefondy paıdalaný derekteri boıynsha polıtseıler 2921 hattama toltyrdy.
Buǵan deıin Petropavlda saıabaqtan áıeldiń denesi tabylǵandyǵyn jazǵan edik.