SQO-da bıyl turǵyndardyń basym bóligi júıke jáne qan aınalym júıesiniń aýrýlarynan qaıtys bolǵan

PETROPAVL. KAZINFORM – Soltústik Qazaqstan oblysynda ótken on aıda 3 862 náreste dúnıege kelse, osy aralyqta 4 535 adam ómirden ozǵan.

Ulttyq statıstıka bıýrosynyń SQO boıynsha departamentiniń málimetinshe, 2024 jylǵy qańtar-qyrkúıek ishinde 1977 ul bala jáne 1885 qyz dúnıege kelgen. 

Oblys aýdandary arasynda eń joǵary týý koeffıtsıenti Ýálıhanov, Aqjar, Jambyl jáne Shal aqyn aýdandarynda. Al eń tómen týý kórsetkishi Aqqaıyń aýdanynda tirkelgen.

1 qazandaǵy aqparat boıynsha, oblysta 524 myń adam turady. Onyń ishinde 49% nemese 258 myń adam — qalalyq. 

On aıda óńirde 4535 adam qaıtys boldy. Ólim sebepteriniń eń úlken úlesin — 21,5% júıke júıesiniń aýrýlary, 15,8% — qan aınalymy júıesiniń aýrýlary, 14,4% — tynys alý organdarynyń jáne 9,2% — as qorytý organdarynyń aýrýlary alady. Jazataıym oqıǵalar, ýlaný men jaraqattanýdan qaıtys bolǵandardyń úlesi — 6,8%. 

Osy aralyqty SQO-da 2388 neke tirkeldi. Azamattyq hal aktilerin tirkeý organdarynyń derekteri boıynsha 1118 jup ajyrasty.

Buǵan deıin Soltústik Qazaqstannan on aıda 21 myń adam kóship ketkenin jazǵan edik.