SQO-da bıyl on fıtoesirtki zerthanasy joıyldy
PETROPAVL. KAZINFORM – Soltústik Qazaqstan oblysynda ótken jyldyń sáıkes kezeńimen salystyrǵanda esirtkige qatysty quqyqbuzýshylyqtardyń sany ósken.
SQO Polıtsııa departamenti bastyǵynyń birinshi orynbasary Asqar Muhametqalıevtiń aıtýynsha, ótken jyly – 187, bıyl 9 aıda 214 derek tirkelgen. Onyń 100-den astamy — satý faktileri, 8 — asa iri kólemde saqtaý, 7 — kontrabanda.
Polıtsııa qyzmetkerleri sondaı-aq 10 fıtoesirtki zerthanasynyń jumysyn áshkerelep, toqtatty. Nátıjesinde shamamen 800 keli esirtki zaty tárkilendi. Onyń ishinde 5 kelige jýyq sıntetıkalyq esirtki jáne 700 keliden astam marıhýana bar.
- Oblysqa esirtki jetkizýdiń 7 arnasyn anyqtap, jolyn kestik. Máselen, 7 sáýirde Petropavlǵa kireberiste «Daewoo Nexia» avtokóligi toqtatylyp, ony basqarǵan 26 jastaǵy astanalyq turǵynnan jarty kelige jýyq sıntetıkalyq esirtki tabyldy. Sot ony 7 jylǵa bas bostandyǵynan aıyrý jazasyna kesti, - deıdi Asqar Muhametqalıev.
Buǵan deıin Petropavlda sıntetıkalyq esirtki taratqan turǵyn 7 jylǵa sottalǵanyn jazǵan edik.