SQO-da bıyl mektepke alǵash barǵan búldirshinderdiń ár úshinshisi ǵana qazaqsha oqıdy
PETROPAVL. KAZINFORM — Soltústik Qazaqstan oblysynda bıyl 5800-deı bala birinshi synypqa qabyldansa, sonyń shamamen 32% ǵana qazaq tilinde bilim alady.
SQO bilim basqarmasynyń basshysy Aınagúl Suraǵanovanyń aıtýynsha, jalpy oqýshylar sany byltyrǵymen shamalas — 73,5 myńnan asady.
Taǵy bir másele — balalardy mektepke qaýipsiz jetkizý. Oblystyń 256 eldi mekeninen 2,8 myń bala mektepke tasymaldanatyn bolady. Onyń 2 myńnan astamyn kún saıyn mektepke jetkizý qajet. Oqý jyly bastalar aldynda oqýshylardy tasymaldaýǵa arnalǵan 143 avtobýs daıyndaldy.
— Balalardy tasıtyn barlyq kólik tehnıkalyq baıqaýdan ótkizildi. Jol qaýipsizdigin qamtamasyz etýge qatysty jumystar Departament polıtsııasymen birlesip júrgizildi, — deıdi Aınagúl Suraǵanova.
Qazir mektepterdi jańa oqýlyqtarmen qamtamasyz etý jumysy júrip jatyr. 2026-2027 oqý jylyna oqýlyqtar men oqý-ádistemelik keshenderdi satyp alýǵa 400 mln teńge bólindi.
Sondaı-aq óńirdegi 12 mektep kúrdeli jóndeldi. Bul maqsatqa 1,5 mlrd teńge jumsaldy. Al aǵymdaǵy jóndeýmen 100 mektep qamtylyp, ǵımarattardy jónge keltirýge 1,3 mlrd teńge bólindi.
Osyǵan deıin SQO-da jyl basynan beri jasóspirimder arasynda 26 qylmys tirkelgenin jazǵan edik.
