SQO-da bıyl kóshi-qon zańnamasyn buzýdyń 3 myńnan astam deregi anyqtaldy
PETROPAVL. KAZINFORM - Soltústik Qazaqstan oblysynda kóshi-qon qyzmetiniń mamandary shetel azamattarynyń elde zańdy turý jáne eńbek etýge ruqsattarynyń bar-joǵyn tekserip jatyr.
Tekserý jumystary 17 naýryzda bastalǵan «Mıgrant» jedel-profılaktıkalyq is-sharasy aıasynda qolǵa alynǵan.
SQO Polıtsııa departamenti baspasóz qyzmetiniń málimetinshe, tártip saqshylary ásirese bazarlar, vokzaldar, qurylys nysandary, fermerlik sharýashylyqtar men fastfýd pavılondaryn erekshe baqylaýǵa aldy.
Jyl basynan beri oblys aýmaǵynda kóshi-qon zańnamasyn buzýdyń 3334 deregi tirkelgen. Sonymen qatar Qazaqstannyń ákimshilik zańnamasyn birneshe ret buzǵan 10 shetel azamaty el aýmaǵynan shyǵaryldy.
Mamandardyń aıtýynsha, eń jıi kezdesetin zańbuzýshylyqtardyń biri — qazaqstandyqtardyń shetelden kelgen qonaqtar týraly kóshi-qon qyzmetine der kezinde habarlamaýy. Sondaı-aq shetel azamattary elde bolý merzimin jıi buzady.
Qazirgi tańda SQO-da 11 myńǵa jýyq shetel azamaty turady. Onyń ishinde 6 347 adam turaqty negizde ómir súrse, TMD elderiniń 4 428 azamaty ýaqytsha turýǵa ruqsat alǵan.
Buǵan deıin Qaraǵandy oblysynda kóshi-qon zańnamasyn buzǵan azamattar anyqtalǵanyn jazǵan edik.
