SQO-da bıyl kókjótelmen aýyrǵandar sany byltyrǵydan úsh ese az

PETROPAVL. KAZINFORM – Soltústik Qazaqstan oblysynda jyl basynan beri kókjóteldi juqtyrýdyń 19 deregi tirkeldi. 

SQO sanıtarııalyq-epıdemıologııalyq baqylaý departamentiniń málimetinshe, byltyr jeti aıda 62 bala aýyrǵan.

– Kókjóteldi juqtyrǵandardyń barlyǵy – 14 jasqa deıingi balalar. Sonyń ishinde 68,4% – Petropavlǵa tıesili. Munda 13 bala aýyrdy. Qyzyljar aýdanynda eki adam, Aqqaıyń, Esil, Jambyl jáne M.Jumabaev aýdandarynda bir adamnan aýyrdy. Syrqattanǵandardyń 89%-y, ıaǵnı 17 bala kókjótelge qarsy ekpe almaǵan, - deıdi SQO sanıtarııalyq-epıdemıologııalyq baqylaý departamenti basshysynyń orynbasary Arman Kúshbasov. 

Mamannyń aıtýynsha, kókjótel – aýyz qýysynda, murynda jáne kómeıde ómir súretin Bordetella pertussis bakterııasy týdyratyn tynys alý joldarynyń óte juqpaly aýrýy. Negizinen 2 jasqa deıingi balalar aýyrady. 

– Kókjóteldiń qozdyrǵyshy aýa arqyly taralady, ol naýqas jótelgende, túshkirgende, sóılegende enedi. Kókjótel ókpeniń qabynýyna, mıdyń zaqymdanýyna ákelýi múmkin. Kókjótelmen aýyratyn naýqastardy emdeýge arnalǵan dári-dármekter joq.

Kókjótelden qorǵaýdyń jalǵyz senimdi jáne tıimdi joly – vaktsınatsııa. Alǵashqy ekpe sábıge 2, 3, 4 jáne 18 aılarynda, sodan keıin 6 jasta egiledi. Vaktsınatsııa júrgizilgen jaǵdaıda aǵzada kókjótel aýrýyna jetkilikti kúshti ımmýnıteti paıda bolady, - deıdi Arman Kúshbasov. 

Buǵan deıin SQO-da bıyl 200 mln teńgege turǵyndarǵa qymbat ota jasalǵanyn jazǵan edik.