SQO-da bıyl bes júzge jýyq adam qoqys úshin aıyppul tóledi
PETROPAVL. KAZINFORM – Soltústik Qazaqstan oblysynda jyl basynan beri abattandyrý erejesin buzýdyń 12,5 myńnan astam deregi anyqtaldy.
SQO Polıtsııa departamenti baspasóz qyzmetiniń málimetinshe, quqyq buzýshylardyń basym bóligine eskertý jasalǵan, tek 478-ine ǵana aıyppul salynǵan. Jumys «Taza Qazaqstan» jalpyulttyq bastamasy aıasynda júrgizilip jatyr. Polıtseıler eldi mekenderdiń sanıtarııalyq jaǵdaıyn baqylap, stıhııalyq qoqys oryndaryn anyqtaý jáne turǵyndarǵa túsindirý jumystaryn júrgizý úshin turaqty túrde reıdke shyǵady.
Osyndaı bir reıd barysynda Petropavldaǵy Jumysshy kenti mańynda polıtseıler aınalma jol boıyndaǵy ýchaskege iri kólemde qurylys qaldyqtaryn jınaǵan turǵyndy anyqtady.
53 jastaǵy Sergeı Klassın qurylys qaldyqtaryn arnaıy belgilenbegen jerge tókken. Oǵan qatysty QR Ákimshilik quqyq buzýshylyq týraly kodeksiniń 505-baby boıynsha ákimshilik hattama toltyryldy. Bul bap boıynsha abattandyrý erejelerin buzǵan jeke tulǵalarǵa eskertý jasalady nemese 20 AEK (86 500 teńge) mólsherinde aıyppul salynady. Turǵyn óz kinásin moıyndap, qoqysty arnaıy belgilengen polıgonǵa shyǵardy.
- Reıd barysynda turǵyndarmen, kásiporyndar jáne uıymdardyń ókilderimen profılaktıkalyq áńgimeler júrgizilip, aýmaqtardy kútip-ustaý talaptary túsindiriledi. Sondaı-aq turǵyndarǵa aqparattyq jadynamalar taratylady. Al zańsyz qoqys úıindileri, aýmaqtardyń lastanýy nemese basqa da quqyq buzýshylyqtar týraly 102 nómirine habarlaýǵa bolady, - deıdi tártip saqshylary.
Buǵan deıin SQO-daǵy Beskól mańyndaǵy ormandarda qoqys úıindileri paıda bolǵanyn jazǵan edik.
