SQO-da bıyl balalarǵa qatysty jynystyq zorlyq-zombylyqtyń 23 deregi tirkeldi
Soltústik Qazaqstan oblysynda ótken on aıdyń ishinde jasóspirimder 32 qylmys jasaǵan. 2,5 myńǵa jýyq ata-ana balalarynyń túngi ýaqytta kóshede júrýine baılanysty ákimshilik jaýapkershilikke tartyldy, dep habarlaıdy Kazinform.
SQO Polıtsııa departamentiniń bastyǵy Aıdyn Qabduldınovtyń aıtýynsha, jergilikti polıtsııa qyzmeti jumysynyń mańyzdy baǵytynyń biri – jasóspirimder qylmysynyń aldyn alý, balalardy qaraýsyz jáne qadaǵalaýsyz qaldyrýǵa jol bermeý jáne olarǵa qatysty jasalǵan qylmystardy anyqtaý.
«Aldyn alý sharalarynyń nátıjesinde kámelet jasyna tolmaǵandarǵa qatysty jasalatyn qylmys 55-ten 53-ke deıin kemidi, sondaı-aq balalarǵa qatysty jynystyq zorlyq-zombylyq 20,6% azaıdy, byltyr 29 fakti tirkelse, bıyl 23 bala zardap shekti», - deıdi Aıdyn Qabduldınov.
On aıdyń ishinde qylmys jasaǵan 32 bala anyqtaldy. Zań buzýshylyqtarǵa jol bermeý úshin únemi reıdter júrgizilip turady.
«Jyl basynan beri kámelet jasyna tolmaǵandardyń 2 359 zańdy ókili balalardyń túnde úıden tys jerde júrgeni úshin jazalandy. Kóńil kóterý oryndarynyń 23 ıesi balalardy kirgizgeni úshin aıyppul tóledi. Dúkenderdiń 49 ıesi 21 jysqa tolmaǵandarǵa temeki satqany úshin ákimshilik jaýapkershilikke tartyldy. 727 ata-ana balalaryn tárbıeleýde mindetterin oryndamaǵany úshin jazalandy», - deıdi Aıdyn Qabduldınov.
Bıyl 32 jasóspirim jáne 110 otbasy polıtseılerdiń esebine alyndy. Devıantty minez-qylyǵy úshin jasóspirimderdiń altaýy arnaıy mektepke jiberildi.
