SQO-da bıyl alıment boıynsha toǵyz boryshker qylmystyq jaýapkershilikke tartyldy
PETROPAVL. KAZINFORM - Soltústik Qazaqstan oblysynyń prokýratýrasy atqarýshylyq is júrgizýge qatysty vedomstvoaralyq keńes ótkizdi.
Jıynda alıment, jalaqy jáne memleket kirisi boıynsha bereshekti óndirip alýdyń problemalyq máseleleri talqylandy.
SQO prokýratýrasynyń málimetinshe, búgingi tańda alıment boıynsha bereshek 260,1 mln teńgege jetken.
Qadaǵalaý organy bıyl alıment óndirip alý týraly sot aktilerin oryndamaǵany úshin 43 boryshkerge qatysty ákimshilik quqyq buzýshylyq týraly is qozǵaldy. Nátıjesinde sottar olarǵa qatysty tyıym saldy, budan bólek boryshkerler aıyppul tóleıdi.
Oblys boıynsha sot oryndaýshylarynyń jumysyn úılestirý sharalarymen taǵy 25 alıment boıynsha boryshker ákimshilik jazaǵa tartyldy.
Sonymen qatar, alıment tóleýden jaltarǵan 9 problemalyq boryshker QR Qylmystyq Kodeksiniń 139-baby boıynsha qylmystyq jaýapkershilikke tartyldy.
Qabyldanǵan sharalardyń nátıjesinde shamamen 90 mln teńge óndirilip alyndy.
Keńeste oblystyq Ádilet departamenti, Jeke sot oryndaýshylarynyń óńirlik palatasy basshylarynyń, Polıtsııa departamenti anyqtaý jáne jergilikti polıtsııa qyzmeti basqarmalary bastyqtarynyń esepteri tyńdaldy.
Ýákiletti organdarǵa osy sanattaǵy atqarýshylyq óndiristerdi tıisinshe oryndaý jónindegi jumysty jandandyrý boıynsha usynymdar berildi.
Buǵan deıin Shymkentte alıment tólemegen boryshker sottalǵanyn jazǵan edik.