SQO-da bıyl 85 adam týberkýlez juqtyrdy

PETROPAVL. KAZINFORM – Soltústik Qazaqstan oblysynda týberkýlez juqtyrý kórsetkishi 15% tómendedi.

SQO ftızıopýlmonologııa ortalyǵynyń málimetinshe, óńirdiń týberkýlezge qarsy qyzmeti men Ulttyq ǵylymı ftızıopýlmonologııa ortalyǵynyń sarapshylary birinshi jartyjyldyqqa monıtorıng jáne baǵalaý jumystaryn júrgizdi. Byltyr osy aralyqta jańadan 101 adamǵa dıagnoz qoıylsa, bıyl 85 jaǵdaı tirkelgen. 

Balalar men jasóspirimder arasynda da oń ózgeris bar. Ótken jyly 15–17 jastaǵy balalardyń altaýy aýyrsa, bıyl osy jastaǵy bir balada ǵana dert anyqtalǵan. 

Mamandardyń aıtýynsha, týberkýlezdi neǵurlym erte anyqtaýdyń mańyzy zor. Sol sebepti táýekel tobyna jatatyn 43,5 myńnan astam adamdy bıyl flıýorografııalyq tekseristen ótkizý josparlanǵan. Bul mindet artyǵymen - 104 % oryndalyp, 45 myńnan astam turǵyn tekserildi. 

Profılaktıka baǵytynda da ilgerileýshilik bar: eki myńǵa jýyq bala BTsJ vaktsınatsııasymen qamtylyp, syrqattarmen baılanysta bolǵan 5 jasqa deıingi balalardyń 64% profılaktıkalyq em aldy, bul ótken jyldyń deńgeıimen salystyrǵanda edáýir joǵary. 

Buǵan deıin SQO-da jarty jylda 22 myń aýyl turǵyny mobıldi medkeshen arqyly tekserilgenin jazǵan edik.