SQO-da bıyl 57 veterınarııalyq pýnkttiń qurylysy bastalady
ASTANA. KAZINFORM – Bul týraly Aýyl sharýashylyǵy mınıstri Aıdarbek Saparovtyń Soltústik Qazaqstan oblysyna jumys sapary barysynda málim boldy, dep habarlaıdy QR Aýyl sharýashylyǵy mınıstrliginiń baspasóz qyzmeti.
Baspasóz qyzmetiniń habarlaýysha, sapar aıasynda mınıstr óńirdegi epızootııalyq jaǵdaımen tanysty.
Túmen oblysymen shekaralas aımaqta ornalasqan Qyzyljar aýdanynyń ıAkor aýylynda mınıstr veterınarııalyq pýnktke bardy. Nysan 2025 jyldyń qazan aıynda paıdalanýǵa berilip, veterınarııalyq-profılaktıkalyq is-sharalardy júrgizýge qajetti qural-jabdyqtarmen qamtamasyz etilgen.
Pýnkt 3,5 myńnan astam aýyl sharýashylyǵy janýarlaryna, sondaı-aq aýdannyń iri mal jáne qus sharýashylyǵy kásiporyndaryna qyzmet kórsetedi.
Veterınarııalyq nysandy aralaý barysynda Aıdarbek Saparov shekaralas aýdandarda veterınarııalyq baqylaýdy kúsheıtýdiń mańyzdylyǵyn atap ótti.
- Sondaı-aq janýarlardyń asa qaýipti aýrýlarynyń taralýynyń aldyn alýǵa baǵyttalǵan profılaktıkalyq sharalardy kúsheıtip, aýyl sharýashylyǵy taýaryn óndirýshilerge veterınarııalyq qyzmettiń ýaqytyly ári sapaly kórsetilýin qamtamasyz etýdi tapsyrdy. Bıyl óńirde osyndaı taǵy 57 veterınarııalyq pýnkttiń qurylysy bastalady, -delingen habarlamada.
Sondaı-aq onda 2025 jyly Qazaqstanda 213 jańa veterınarııalyq nysan paıdalanýǵa berilgeni aıtylǵan. Bul epızootııalyq qaýipsizdikti nyǵaıtýǵa jáne veterınarııalyq qyzmettiń tıimdiligin arttyrýǵa yqpal etedi.
Veterınarııanyń ózekti máselelerin qaıtkende sheshe alamyz. Bul týraly myna jerden oqyńyzdar.
