SQO-da bıyl 2 myńnan astam adam kóshi-qon zańnamasyn buzǵan
PETROPAVL. KAZINFORM — Soltústik Qazaqstan oblysynda 6 myńnan astam sheteldik azamat jáne shamamen 4,5 myń ýaqytsha turýǵa ruqsaty bar adam tirkelgen.
SQO Polıtsııa departamenti baspasóz qyzmetiniń málimetinshe, búginnen bastap oblysta «Mıgrant-2025» jedel-aldyn alý is-sharasy ótip jatyr. Maqsat — Qazaqstan Respýblıkasynyń kóshi-qon zańnamasyn buzý derekterin anyqtaý. Operatsııaǵa kóshi-qon qyzmetiniń mamandarymen qatar oblystyq polıtsııa departamentiniń jedel ýákilderi men ýchaskelik polıtsııa ınspektorlary da jumyldyrylǵan.
Іs-shara aıasynda polıtsııa bazarlar men qurylys nysandaryn, aýylsharýashylyq kásiporyndaryn, jeke sharýashylyqtardy, sondaı-aq sheteldikter eńbek etetin jáne ýaqytsha turatyn basqa da oryndardy tekseredi.
Eki aıdyń ishinde oblys polıtseıleri QR kóshi-qon zańnamasyn buzýdyń 2 myńnan astam deregin anyqtady. Tártip saqshylarynyń aıtýynsha, eń jıi kezdesetin zań buzýshylyqtardyń biri — el aýmaǵynda bolý merzimin buzý, bul úshin 200-ge jýyq sheteldik ákimshilik jaýapkershilikke tartyldy. Sonymen qatar oblystyń 77 turǵyny sheteldik qonaqtardy qabyldaǵany týraly ýaqytyly habarlamaǵany úshin jaýapqa tartyldy. Al bes jumys berýshi sheteldik azamattardy zańsyz jumysqa tartqany úshin jaýap berdi.
Buǵan deıin SQO-da prokýrorlar qumar oıynǵa qunyqqan memlekettik qyzmetshilerdi jumystan shyǵarǵandyǵyn jazǵan edik.