SQO-da bıdaı ónimdiliginiń jańa rekordy tirkeldi
PETROPAVL. QazAqparat - Soltústik Qazaqstan oblysy Aıyrtaý aýdanyndaǵy «Babyq-burlyq» JShS bıdaı ónimdiliginiń rekordyn jańartty, dep habarlaıdy óńir basshysynyń resmı saıty.
Jumys sapary barysynda SQO ákimi Qumar Aqsaqalovqa gektarynan 62,5 tsentner bıdaı alynǵan alqap kórsetildi. Burynǵy rekord 55 tsa/ga «Tuqym» JShS tıesili bolǵan edi.
Osyndaı mol ónimdi qalaı aldyńyz degen suraqqa «Babyq-burlyq» seriktestiginiń basshysy Seıilbek Mahmetov qysqasha jaýap qaıyrdy: «Jermen aınalysý kerek».
Osy messedjdi Qumar Aqsaqalov Qyzyljar, Esil jáne Aıyrtaý aýdandarynyń alqabyndaǵy kezdesýlerde ár dıqanǵa jetkizýge tyrysty.
Jerdiń berekesin qashyrǵan ıelerge oblys ákimi «Babyq-burlyqtyń» basshysy Seıilbek Mahmetovty úlgi etti. Qazir Tómengi burlyq aýylynda barlyq turǵyndarǵa jaǵdaı jasalýda. Ortasha eńbekaqy 141 myń teńge. Aýyldyqtardyń úılerine ortalyqtandyrylǵan jylytý júıesi tartylmaq. Kelesi jyly jumysshylarǵa úıler salynady.
«Nan bar, nátıje bar jáne tıisinshe eńbekaqyny kóterýge múmkindik bar. Osylaı bolý kerek. Eger sharýashylyq jaqsy ónim almasa, jalaqyny qalaı kóteredi? Osyndaı dıqandarmen jergilikti bılik tıisti jumys júrgizýi qajet», - dep atap ótti oblys ákimi.
Jalpy, óńirde kúzgi oraq naýqany qyza tústi. 13 qyrkúıektegi málimet boıynsha oblysta alqaptyń 32 paıyzy bastyryldy nemese 878 myń ga. Ortasha ónimdilik gektaryna 14,9 tsentnerden aınaldy. Aımaq basshysy dıqandardy qolaıly ár kúndi tıimdi paıdalanyp, astyqty ysyrapsyz jınap alýǵa shaqyrdy.
