SQO-da betperde kıgen ekeý janarmaı beketin tonady
PETROPAVL. QazAqparat - Soltústik Qazaqstan oblysynyń Taıynsha qalasyndaǵy janarmaı stansalarynyń birine qaraqshylyq shabýyl jasaldy, dep habarlaıdy «QazAqparat» HAA tilshisi.
Shabýyl vıdeosy áleýmettik jeliler arqyly tarap ketti. Betperde kıgen belgisiz ekeý áınekti shaǵyp, kassany tonaǵan. Oblystyq polıtsııa departamenti baspasóz qyzmetiniń málimetinshe, tonaýshylardyń «tabysy» 10 myń teńge.
«Departamenttiń krımınaldy polıtsııa bólimshesi qyzmetkerleri men Taıynsha aýdandyq polıtsııa bólimshesi qyzmetkerleriniń birlese atqarǵan jumysynyń nátıjesinde eki kúdikti ustalyp, ýaqytsha ustaý ızolıatoryna qamaldy. Tergeý amaldary barysynda qylmystyń barlyq jaǵdaılary anyqtalatyn bolady», - dep habarlady baspasóz qyzmeti.
Janarmaı beketine jasalǵan shabýyl sotqa deıingi tergeýdiń biryńǵaı reestrine engizildi.
