SQO-da bes jylda 2,3 mln sharshy metr turǵyn úı salynady
NUR-SULTAN. QazAqparat - Soltústik Qazaqstan oblysynda 5 jylda 2,3 mln sharshy metr turǵyn úı salynady. Bul týraly atalǵan óńirdiń ákimi Qumar Aqsaqalov Ortalyq kommýnıkatsııalar qyzmetindegi baspasóz máslıhatynda aıtty, dep habarlaıdy QazAqparat tilshisi.
«Qurylys salasynda 2021 jyl Soltústik Qazaqstan oblysy úshin qarqyndy ósý kezeńimen erekshelenedi. Oblysta 53 kópqabatty úı salynyp jatyr, onyń 23-i - jeke qurylys salýshylar esebinen. 3,5 myń páter paıdalanýǵa beriledi. Jańa baspanany 12 myń soltústikqazaqstandyq alady. Bıyl 340 myń sharshy metr turǵyn úı paıdalanýǵa beriledi. Aldaǵy jylǵa 400 myń sharshy metr salý josparlanyp otyr»,- dedi ol.
Onyń atap ótýinshe, oblys ortalyǵynda «Jas órken», «Bereke» jáne «Ortalyq» shaǵyn aýdandaryn salý jalǵasýda. . Petropavlda barlyǵy 1,7 myńnan astam eski jáne apatty úıler súrilip, 6 myńnan astam qala turǵynynyń turmystyq jaǵdaıyn jaqsartýǵa kómektesti.
«Jeke turǵyn úı qurylysy da damyp keledi. «Solnechnyı-2» jáne «ıÝjnyı» shaǵyn aýdandaryna barlyq qajetti ınfraqurylym júrgizilýde: sý qubyry, joldar jáne elektr jelileri. 3 myń daıyn jer ýchaskesi berilmek. Aldaǵy 5 jylda 2,3 mln sharshy metr turǵyn úı salý jospary bar. Bul 21 myńnan astam páter. 70 myń adam óz baspanasyna ıe bolady. Bul oblystyń árbir jetinshi turǵyny. Táýelsizdik jyldarynda oblysta 5 mıllıon sharshy metrden astam turǵyn úı paıdalanýǵa berildi», - dedi Qumar Aqsaqalov.
