SQO-da bes aıda 11 myńnan astam adam jumyspen qamtyldy - oblys ákimi
«Óńirde jumyspen qamtýǵa jáne halyqtyń tabysyn arttyrýǵa kóp kóńil bólinedi. Bıyl bes aıda 11 myńnan astam adam jumysqa ornalasty. Onyń ishinde 7 900 jańa turaqty jumys orny quryldy. Jyl sońyna deıin 24 myńnan astam adamdy jumysqa ornalastyramyz. Jyl qorytyndysy boıynsha jumyssyzdyq deńgeıi 4,7%-ǵa deıin tómendeıdi degen boljam bar»,- dedi SQO ákimi Aıdarbek Saparov ortalyq kommýnıkatsııalar qyzmeti alańynda ótken baspasóz máslıhatynda.
Sonymen qatar, oblysta mádenıet pen sportty damytý boıynsha júıeli jumys júrgizilip jatyr.
«Aldaǵy maqsattarǵa jetý úshin biz qala jáne aýyldyq jerlerde mádenıet jáne sport ınfraqurylymdaryn damytyp jatyrmyz. Elimizdiń barlyq óńirleri sııaqty, Soltústik Qazaqstanda da kórnekti tulǵalardyń «altyn qory» bar. Bıyl 25 maýsymda qazaqtyń aqyny, bes arystyń biri, Alash qaıratkeri, jerlesimiz Maǵjan Jumabaevtyń týǵanyna 130 jyl tolady. Sizderdi osy mereıtoıdyń qurmetti qonaǵy bolýǵa shaqyramyz. Oblysta aqyn mereıtoıyna oraı birqatar is-shara ótedi. Atalǵan is-sharalar uly jerlesimizdiń baǵa jetpes murasyn saqtaýǵa, nasıhattaýǵa jáne óskeleń urpaqty patrıottyq tárbıeleýge yqpal etedi», - deıdi óńir basshysy.
