SQO-da bes adam balyq aýlap otyrǵan muz jaǵalaýdan bólinip, kóldiń ortasyna ketip qaldy
PETROPAVL. QazAqparat – Soltústik Qazaqstan oblysyndaǵy Úlken Torańǵyl kólinde bes balyqshy sýǵa batyp kete jazdady, dep habarlaıdy QazAqparat.
Oblystyq tótenshe jaǵdaılar departamentiniń habarlaýynsha, Korneevka aýylynyń turǵyndary muzda abaı bolý týraly eskertý men kól betindegi muzdyń jarylyp jatqanyn kórse de, elemegen.
Olar balyq aýlap otyrǵanda, astyndaǵy muz jaǵalaýdan bólinip, júze bastaǵan. Kómek kelip jetkenshe balyqshylar kólde 300 metrge deıin júzgen.
Balyqshylardy sý aıdyny mańynda kezekshiligin atqaryp júrgen qutqarýshy Vıacheslav ıAkovlev jaǵaǵa jetkizdi. Ol traktor kómegimen motorly qaıyqty sýǵa túsirgen jáne bes balyqshyǵa óz betinshe eshteńe istemeýdi tapsyrǵan.
«Vıacheslav ıAkovlev balyqshylarǵa qutqarýshy jıletti kıgizip, bir-birlep jaǵalaýǵa jetkizgen. Bul operatsııa bir jarym saǵatqa sozyldy. Qutqarýshy balyqshylarǵa muz ustinde balyq aýlaýǵa bolmaıtynyn qatań eskertti. Ol ózin erlik jasadym dep sanamaıdy» dep málim etti TJD baspasóz qyzmeti.
