SQO-da baıaý ınternet tehnologııalardyń damýyna kedergi bolyp otyr
Esep berý kezdesýinde Qumar Aqsaqalovqa aýyl halqynyń qoly qashan jyldam ınternetke jetetini týraly suraq qoıyldy.
Oblys ákimi keıbir eldi mekenderde baıaý ınternet máselesi bar ekenin moıyndady. Oblystaǵy medıtsınalyq uıymdardyń 14%-y nashar ınternetten mezi bolyp otyr.
«Mektepterdiń 77%-ynda ınternettiń jyldamdyǵy 4 megabıtten asady. Qazaqtelekommen bul baǵytta jumys isteı bastadyq. Jyl sońyna deıin bul kórsetkishti 94%-ǵa jetkizemiz. Aýyl sharýashylyǵyna jańa tehnologııalardy tek jyldam ınternet bolǵanda ǵana engize alamyz», - dedi Q. Aqsaqalov.
Onyń aıtýynsha, memlekettik baǵdarlama aıasynda optıkalyq talshyqty baılanys jelisi tartylady. Onsyz jyldamdyǵy joǵary ınternetke qol jetkizý múmkin emes. Biraq bul joba qyrýar qarjyny talap etedi.
«Mınıstrlik jobany júzege asyrý úshin qarajat qarastyryp jatyr. Ol jaıly únemi aıtamyz. Aldaǵy ýaqytta onyń nátıjesin kóremiz dep oılaımyn», - dedi oblys ákimi.