SQO-da baspanany jalǵa alý aqysyn sýbsıdııalaý baǵdarlamasy 700 adamdy qamtymaq

PETROPAVL. QazAqparat – Soltústik Qazaqstan oblysynda páterdi jalǵa alý aqysyn sýbsıdııalaý baǵdarlamasyna qatysatyn adamdardyń tizimi jasaqtalyp jatyr. Shamamen 700-deı adam memlekettiń kómegin almaq, dep habarlaıdy QazAqparat tilshisi.

Baspanany jalǵa alý aqysyn sýbsıdııalaý memlekettik baǵdarlamasy bıyl mamyr aıynda iske qosylmaq. «Otbasy bank» bul baǵdarlamanyń operatory bolyp bekitildi.

«Qazirgi ýaqytta «Otbasy bank» portaldy jetildirý boıynsha jumys istep jatyr, nátıjesinde qazaqstandyqtar onlaın-rejımde páterdi jalǵa alý aqysyn sýbsıdııalaý úshin ótinimder qaldyra alady. Árıne, talaptar bar. Úmitkerlerdiń ár otbasy múshesine shaqqandaǵy sońǵy 6 aıdaǵy jıyntyq tabysy eń tómengi kúnkóris deńgeıiniń bir mólsherinen, ıaǵnı 36 018 teńgeden aspaýy tıis. Osylaısha, páter jaldaý aqysynan únemdelgen somany turmystaryn jaqsartýǵa nemese bizdiń bankte esepshot ashyp, keıin baspana alýǵa jınaı alady. Muqtaj jandardyń tizimin Indýstrııa jáne ınfraqurylymdyq damý mınıstrligi jasaqtaıtyn bolady», - deıdi «Otbasy bank» AQ SQO fılıaly bóliminiń mamany Elmıra Baımuhambetova.

Mamannyń aıtýynsha, osy baǵdarlamany júzege asyrýǵa respýblıkalyq bıýdjetten 50 mlrd teńge bólinedi. Ótinishter «Baspana market» portaly arqyly qabyldanady.

«Kómekti kópbalaly otbasylar – olar elimizde shamamen 51 myń, 10 myńy – 1 jáne 2 toptaǵy múgedekter, jetim balalar, múmkindigi shekteýli balalardy tárbıelep otyrǵan otbasylar alady. Basty talap úmitkerler turǵyn úı alý kezeginde turýlary qajet. Tizim daıyn bolǵasyn, oǵan engen ár adammen bank qyzmetkerleri baılanysady jáne kómekti qalaı alýǵa bolatynyn túsindiredi. Budan keıin úmitker onlaın rejımde baǵdarlamaǵa qatysýǵa ótinish beredi. Ol úshin tek elektrondy tsıfrlyq qoltańba bolýy shart. Sondaı-aq ótinishti bankke kelip te qaldyrýǵa bolady. Jalpy Soltústik Qazaqstan oblysy boıynsha mundaı azamattyń sany 700-ge jetedi», - deıdi Elmıra Baımuhambetova.