SQO-da basketbolshy Igor Nanaevtyń ólimine qatysty is sotqa jiberildi
PETROPAVL. QazAqparat -Basketbolshy Igor Nanaevty óltirdi degen kúdik taǵylyp otyrǵan 5 adam 11 qańtar kúni sot aldynda jaýap beredi, dep habarlaıdy «QazAqparat» HAA tilshisi Soltústik Qazaqstan oblystyq sotynyń baspasóz qyzmetine silteme jasap.
«Petropavl qalalyq sotyna Qaıbarov D. J., Maqatov B. K., Áskerov J. E., Meńdibaev A. M., Elaman O. J. qatysty qylmystyq is kelip tústi. Sotqa deıingi tergeý organdary olardy jábirlenýshi Makedonov A.A., Antropov A.N. jáne Nanaev I.V. qatysty birqatar qylmystar jasady dep aıyptaýda», - dedi sottyń baspasóz qyzmetinen.
Sottalýshylar top bolyp uıymdasyp, abaısyzda Igor Nanaevtyń ólimine ákep soqqan buzaqylyq jasady jáne qasaqana densaýlyqqa aýyr zardap keltirdi dep aıyptalýda.
Basketbolshy Igor Nanaev 10 qazan kúni Petropavldaǵy oblystyq aýrýhanada jan tapsyrdy. Jergilikti «Bars» klýbynyń múshesi qazannyń 2-sinen 3-ine qaraǵan túni túngi klýbta bolǵan tóbeles kezinde aýyr jaraqattar alǵan bolatyn. Sportshy ólimine baılanysty júzdegen adamnan jaýap alyndy. Kúdiktiler arasynda SQO kolledjderiniń stýdentteri de bar.
