SQO-da basqarma basshysy para aldy degen kúdikke ilindi
PETROPAVL. QazAqparat - SQO memlekettik sáýlet-qurylys baqylaý jáne lıtsenzııalaý basqarmasynyń basshysy Valerıı Zataıǵa qatysty qozǵalǵan qylmystyq istiń tergeý barysyn protsessýaldyq prokýror óz baqylaýyna aldy, dep habaralıdy «QazAqparat» HAA tilshisi Soltústik Qazaqstan oblysy prokýratýrasynyń baspasóz qyzmetine silteme jasap.
Sheneýnik para aldy degen kúdikke ilindi. «Jarııalanbaıtyn tergeý amaldarynyń nátıjesi boıynsha 21 qyrkúıek kúni SQO memlekettik sáýlet-qurylys baqylaý jáne lıtsenzııalaý basqarmasynyń basshysy V.A. Zataı 1500 dollar para alý kezinde ustaldy. Qazirgi tańda is boıynsha tergeý jumystary bastaldy», - dep habarlady prokýratýrada.
Sybaılas jemqorlyqqa qarsy is-qımyl ulttyq bıýrosynyń Soltústik Qazaqstan oblysy boıynsha departamenti QR QK 2-bólimi 366-baby boıynsha sotqa deıingi tergeý jumystaryn bastady.
