SQO-da barlyq baǵyttaǵy avtomobıl joldary jabyq
PETROPAVL. QazAqparat – Soltústik Qazaqstan oblysynda qatty boranǵa baılanysty barlyq baǵyttar boıynsha avtojoldar jabyldy, dep habarlaıdy QazAqparat tilshisi.
SQO tótenshe jaǵdaılar departamenti baspasóz qyzmetiniń málimetinshe, borannyń kúsheıýine baılanysty búgin saǵat 11.30 bastap avtokóliktiń barlyq túrleri úshin respýblıkalyq jáne oblystyq mańyzy bar joldar jabyldy.
TJD kólik júrgizýshilerin eldi mekenderden uzap shyǵýdyń qaýipti ekenin eskertedi.
Búgin qatty aıazǵa baılanysty SQO-da 0-4 synyp oqýshylary mektepke barǵan joq.
Buǵan deıin QR Indýstrııa jáne ınfraqurylymdyq damý mınıstrligi respýblıka boıynsha jabylǵan jol ýchaskeleri týraly málimet bergen bolatyn. Sondaı-aq Batys Qazaqstan oblysynan shyǵatyn barlyq avtojol jabyldy.
