SQO-da barlyq baǵyttaǵy joldar jabyldy
Soltústik Qazaqstan oblysynda aýa-raıynyń nasharlaýyna baılanysty barlyq baǵyttaǵy joldarda kólik quraldarynyń barlyq túrleri úshin qozǵalys jabyldy, dep habarlaıdy Kazinform agenttigi.
Tótenshe jaǵdaılar departamentiniń baspasóz qyzmetiniń málimetinshe, joldarda qatty jel, kóktaıǵaq, boran, kórinistiń shektelýi syndy apatty-qaýipti jaǵdaı qalyptasýda. Saǵat 20.00-den bastap oblystyq mańyzy bar jáne aýdandyq Esil jáne Taıynsha avtojoldary jabyldy.
Buǵan deıin respýblıkalyq mańyzy bar Petropavl-Sokolovka-RF shekarasy, Peterfeld-Arhangelsk-Novokamenka, Kókshetaý-Rýzaevka, Ekaterınbýrg-Almaty, Jezqazǵan-Petropavl, Mamlıýtka-Qostanaı, Astana-Petropavl, Chelıabi-Novosibir jol ýchaskelerindegi barlyq kólik quraldary úshin qozǵalys jabylǵan edi.
Aıta keteıik, Qazaqstannyń basym bóliginde aýa raıyna baılanysty eskertý jarııalandy.
