SQO-da bank shotyn bireýlerge paıdalanýǵa bergen turǵyn endi keltirilgen shyǵyndy ózi óteıdi

PETROPAVL. KAZINFORM — Soltústik Qazaqstan oblysynda bireýge bank shotyn ashyp bergen turǵyn endi 3 mln teńge tóleýi tıis.

SQO sotynyń málimetinshe, Esil aýdandyq sotyna S. esimdi talapker aryzdanyp, A. esimdi jaýapkerden 3 mln teńgeni óndirip alý boıynsha júgindi. Áıel qylmystyq is boıynsha sotqa deıingi tergeý barysynda «Evrazııskıı Bank» AQ bank shotynan aqshanyń jaýapkerdiń banktik shotyna aýdarylǵany anyqtalǵanyn aıtty. Alaıda A. aqshany óz erkimen qaıtarýdan bas tartqan. 

Jaýapker talap aryzdy moıyndamady, Aıtýynsha, Eýrazııalyq bankte onyń banktik shoty bolmaǵan jáne shot ashpaǵan. Banktik shottarynyń bary týraly oǵan polıtsııa qyzmetkeri habarlaǵan jáne osy banktik shottar arqyly 30 mln teńge somasy ótkendigin bilgen. Sondaı-aq áıel onyń atyna shottardy qyzynyń ashqandyǵyn aıtyp, bul qyzmet úshin belgisiz bireýlerdiń qyzyna 5 myń teńge somasynda syıaqy bergendigin túsindirdi. Talapkerdiń aqshasyn ol paıdalanbaǵan, óıtkeni aqsha shotqa túskennen keıin belgisiz bireýler ony dereý basqa shotqa aýdarǵan.

Sot Azamattyq Kodekstiń 953 babyn negizge aldy. ıAǵnı jaýap berýshi A. talapkerdiń aqshasyn alyp, olardyń qaıdan túskendigin anyqtamaǵaı, óz qalaýy boıynsha áreket etken. 
Sot eki tarapty tyńdap, usynylǵan jazbasha aıǵaqtardy zerttep, S.-nyń talap aryzyn qanaǵattandyrý týraly sheshimge keldi. Búginde bul sheshim óz kúshine endi.

Buǵan deıin SQO-da tsıfrlyq aktıvterdi zańsyz aınalymǵa shyǵarǵan úsh adamnyń sottalǵandyǵyn jazǵan edik.