SQO-da bank kartalarynan 5 mln teńge urlaǵan reseılik ustaldy
ASTANA. QazAqparat - Petropavlda 5 mln teńge aqshany jymqyrdy degen kúdikke ilingen Reseı azamatyn tutqyndaldy, dep habarlaıdy QazAqparat tilshisi SQO ІІD baspasóz qyzmetine silteme jasap.
Quzyrly vedomstvodan habarlanǵandaı, 30 jastaǵy shetel azamaty ınternet arqyly bank kartalarynan aqsha urlaǵan. Jalpy, jymqyrylǵan shyǵyn 5 mln teńge bolyp otyr.
«Tergeý nusqasyna sáıkes, er adam banktiń qorǵanys júıesiniń minin taýyp, bóten adamdardyń aqshasyn paıdalanýǵa jol ashatyn arnaıy kompıýterlik baǵdarlama jasap shyǵarǵan. Osylaısha, qolǵa túsken aqshany ol ózi men týystarynyń banktik shottaryna jiberip otyrǵan. Anyqtalǵanyndaı, kúdikti Petropavlǵa áke-sheshesine kelgen», - delingen habarlamada.
Qazirgi ýaqytta QR QK-niń 188 jáne 190-baptary boıynsha sotqa deıingi tergeý amaldary júrgizilip jatyr. Tintý barysynda kúdiktiden noýtbýk tabylyp, ol saraptamaǵa jiberilgen. Qazirgi ýaqytta onyń basqa da qylmystarǵa qatysynyń bar-joǵy anyqtalý ústinde.
