SQO-da balyqshy bes kúnnen beri tabylmaı jatyr
PETROPAVL. QazAqparat – Balyq aýlaýǵa ketken Petropavl turǵyny Sergeı Lebedev 5 kúnnen beri tabylmaı jatyr, dep habarlaıdy QazAqparat tilshisi.
Soltústik Qazaqstan oblysynyń volonterleri áleýmettik jelide Sergeı Lebedevke izdeý jarııalady. 43 jastaǵy turǵyn úıinen 21 qyrkúıek kúni saǵat 13.00 shamasynda shyǵyp ketken. Aıtýynsha, Qyzyljar aýdany Krasnyı ıAr eldi mekeni mańynda Esil ózenine baryp balyq aýlamaq bolǵan. Sodan beri er adamnan habar joq.
Sergeıdiń boıy shamamen 183-185 sm aralyǵynda. Aryqsha kelgen, qoıý-qońyr tústi, saqaldy. Sol jaq ıyǵynda «skorpıon» tatý belgisi bar. Sol kúni ústinde balyqshynyń kıimi, qońyr tústi beısbolka bolǵan.
Sondaı-aq osy kúni Petropavlda ıÝrıı Volosnıkov esimdi turǵyn ezdestirilip jatyr. 1961 jyly týǵan er adam 24 qyrkúıek kúni Petropavldaǵy Sútishev kóshesindegi úıinen belgisiz jaqqa ketken. Sodan beri habarsyz.
Er adamnyń boıy 158-160 sm shamasynda, aryqsha kelgen, qońyr shashty, oń jaq betinde meńi bar. Ústinde qońyr kúrteshe, kók fýtbolka men djıns shalbary, aıaǵynda qońyr aıaq kıim bolǵan.
Er adamdardy kórgen-bilgender 8 777 307 99 65, 8 926 626 64 33 nemese 102 telefon nómirine habarlasa alady.
Eske salaıyq, buǵan deıin izdeýde bolǵan reseılik jigit Aleksandr Kırja aman-esen tabylǵan edi.