SQO-da balyq aýlaýǵa ketken jigittiń denesi 5 kúnnen keıin tabyldy
PETROPAVL. QazAqparat – Soltústik Qazaqstan oblysynda izdeý jarııalanǵan Bolat Aqıevtiń denesi tabyldy. 31 jastaǵy er adam balyq aýlaýǵa ketip, joǵalǵan edi, dep habarlaıdy QazAqparat tilshisi.
Bolat Aqıevtiń 6 qańtar kúni Shal aqyn aýdany Stýpınka eldi mekeniniń mańyndaǵy kólge balyq aýlaýǵa ketip, sodan úıine qaıtyp oralmaǵanyn aıtqan edik.
31 jastaǵy jigit Ǵ.Músirepov atyndaǵy aýdannyń ortalyǵy Novoıshımka turǵyny bolyp shyqty.
Volonterler áleýmettik jelide joǵalǵan er adam jaıynda aqparat pen fotosyn jarııalady. Alaıda ol jaıynda kórgen-bilgender bolmady.
Bolat Aqıevti izdeýge eriktiler, polıtseıler jumyldyryldy.
Oblystyq tótenshe jaǵdaılar departamenti jeke quramynan 13 maman, 3 tehnıka úsh kún boıy joǵalǵan adamdy izdedi.
Nátıjesinde 11 qańtar kúni Bolattyń denesi sol mańnan tús aýa tabyldy.
Shal aqyn aýdany tótenshe jaǵdaılar bóliminiń málimetinshe, jigittiń múrdesi aýyldan 3 km, kólden 4-5 shaqyrymdaı qashyqtyqta qar ústinde jatqan jerinen tabylǵan.
Sol kúni onymen birge Ǵ.Músirepov atyndaǵy aýdannyń taǵy eki turǵyny bolǵan.
Alaıda keshki saǵat 23.00 shamasynda Bolat Aqıev belgisiz baǵytta ketip qalǵan. Іstiń mán-jaıy anyqtalyp jatyr.
