SQO-da balyq aýlaýǵa ketken jigit 4 kúnnen beri tabylmaı jatyr
PETROPAVL. QazAqparat – Soltústik Qazaqstan oblysynda 31 jastaǵy jigitke izdeý jarııalandy. Er adam aýyl mańyndaǵy kólge balyq aýlaýǵa ketip, sodan úıine qaıtyp oralmaǵan, dep habarlaıdy QazAqparat tilshisi.
SQO volonterleri áleýmettik jelide joǵalǵan Bolat Aqıevtiń fotosy men ol týraly aqparatty jarııalady.
Volonterlerdegi málimet boıynsha, 31 jastaǵy jigit 6 qańtar kúni saǵat 19.30 shamasynda Shal aqyn aýdany Stýpınka eldi mekeni mańyndaǵy kólge balyq aýlaýǵa attanǵan.
Sodan beri tórt kún ótkenimen, týǵan-týystary odan habar ala almaı otyr.
Bolattyń boıy 180 sm, aryqsha kelgen, qysqa qara shashty.
Sol kúni jigittiń basynda qyzyl jolaǵy jáne «tık-tok» degen jazýy bar qara bas kıim bolǵan.
Ústine kapıýshony bar kók kamýflıaj kostıým kıip shyqqan.
Sondaı-aq jyly qara kúrte, kók tústi sport shalbary, aqshylt fýtbolka, jasyl rezeńke etik pen toqyma qońyr shulyq bolǵan.
Jigitti kórgen-bilgender bolsa 8 777 307 99 65, 8 926 626 64 33 nemese «102» nómirine habarlasa alady.
Al buǵan deıin iz-túzsiz ketken Sergeı Denısovtiń qaıtys bolǵany anyqtaldy. 1977 jyly týǵan er adamǵa 2020 jyldyń 25 aqpanynda izdeý jarııalanǵan edi.
Foto: instagram.com/volonterypetropavl
