SQO-da balyq aýlap júrgen turǵyn sýǵa ketti
PETROPAVL. QazAqparat - Soltústik Qazaqstan oblysynyń Jambyl aýdanynda 64 jastaǵy er adam sýǵa batyp ketken, dep habarlaıdy QazAqparat tilshisi.
Oblystyq tótenshe jaǵdaılar departamenti baspasóz qyzmetiniń málimdeýinshe, aýyl turǵyny 31 tamyz kúni kólde balyq aýlaımyn dep sýǵa ketken. Onyń denesi tek 10 qyrkúıekte ǵana tabyldy.
«Jedel izdestirý-qutqarý jasaǵy oqıǵa ornyna shuǵyl jetken. Osy kezge deıin qutqarýshylar sý túbiniń 2100 sharshy metrin jáne kóldiń aınalasyn tekserdi. Er adamnyń denesi saraptamaǵa jiberildi», - deıdi baspasóz qyzmetiniń ókilderi.
Jyl basynan beri óńirde osymen ekinshi ret balyqshy sýǵa ketti.
Qutqarýshylar qaıyqpen balyq aýlaýǵa shyqpaq bolǵandarǵa mindetti túrde qutqarý jıletin kııý qajet ekenin eskertedi.
