SQO-da balasyn túngi ýaqytta kóshege jibergen 780 ata-ana jaýapkershilikke tartyldy
PETROPAVL. QazAqparat – Soltústik Qazaqstan oblysynda jyl basynan beri 780 ata-ana óz balasyn túngi ýaqytta kóshege jibergeni, sondaı-a jáne kóńil kóterý oryndarynyń 7 ıesi jasóspirimderdi kirgizgeni úshin ákimshilik jaýapkershilikke tartyldy, dep habarlaıdy QazAqparat tilshisi.
SQO polıtsııa departamenti baspasóz qyzmetiniń málimetinshe, jyl basynan óńirde jasóspirimder qylmysynyń 9 deregi tirkeldi. 325 adam óz balasyna tıisti
túrde tárbıe bermegeni úshin jazalandy. Tártipteri erekshe baqylaýdy qajet etetin 160 otbasy esepke qoıyldy. 15 adam ata-ana quqyǵynan aıyryldy.
Jalpy, jyl basynan SQO-nyń ıývenaldyq polıtseıleri múddeli memlekettik organdarmen birlesip 280-nen astam reıdtik is-shara ótkizdi. Balalardyń ómirine ata-anadan bólek jaýapty sanalatyn bilim bólimi, quqyq qorǵaý organdarynyń qyzmetkerleri jasóspirimderdiń qaýipsizdigin qamtamasyz etýde túsindirý jumystaryn júrgizip keledi. Óıtkeni balalardyń túngi ýaqytta kóshe kezip, túrli oıyn-saýyq oryndaryna barýy tyıylmaı otyr.
Reıdterdiń nátıjesinde balasy túngi ýaqytta kóshe kezgen 780 ata-ana jáne jasóspirimderdi kirgizgen kóńil kóterý oryndarynyń 7 ıesi ákimshilik jaýapkershilikke tartylǵan.
