SQO-da balasyna alıment tólemegen 36 ata-ana qamaldy
PETROPAVL. KAZINFORM — SQO prokýratýrasy jyl basynan beri alıment óndirý jónindegi sot aktilerin oryndamaǵany úshin 6 boryshkerge Ákimshilik quqyq buzý kodeksiniń 669-babymen is qozǵady. Sot sheshimimen bári qamaýǵa alyndy.
Ýálıhanov aýdandyq sotynyń 18 naýryzdaǵy qaýlysymen aýdan prokýrory qozǵaǵan is boıynsha boryshker S. 5 táýlikke qamaýǵa alyndy.
Jalpy, oblys boıynsha sot oryndaýshylarynyń jumysyn úılestirý arqyly taǵy 36 boryshker ákimshilik qamaýǵa alynǵan.
Sonymen qatar, 8 problemalyq boryshker Qylmystyq kodekstiń 139-baby boıynsha qylmystyq jaýapkershilikke tartyldy.
Mysaly, Shal aqyn aýdandyq sotynyń 6 mamyrdaǵy úkimimen kámeletke tolmaǵan balasyna 7 aıdan astam ýaqyt boıy alıment tólemegeni úshin 2,6 mln teńge qaryzy bar boryshker Qylmystyq kodekstiń 139-baby boıynsha 1 jylǵa bas bostandyǵyn shekteý jazasyna sottaldy.
Qabyldanǵan qatań sharalardyń nátıjesinde alıment bereshegi jyl basynan beri 100 mln teńgege (260-tan 160-qa deıin) azaıdy.
Qalǵan boryshty óndirip alý jumysy jalǵasyp jatyr, oǵan barlyq memlekettik jáne ýákiletti organdar tartylǵan.
Úsh aı ishinde alıment tólemegenderge — ákimshilik, alty aıdan bastap qylmystyq jaýapkershilik týyndaıdy.
