SQO-da balasyna 1,5 mln teńgeden astam alıment tólemegen er adam bir jylǵa sottaldy
PETROPAVL. KAZINFORM - Er adam bes jyl boıy ulymen baılanys ornatpaǵan, onyń tárbıesine qatyspaǵan, balanyń densaýlyǵy men taǵdyryna qyzyǵýshylyq tanytpaǵan.
Alıment tóleý jónindegi mindetin uzaq ýaqyt boıy oryndamaǵan Petropavl turǵynyna qatysty qylmystyq isti Soltústik Qazaqstan oblysynyń kámeletke tolmaǵandar isteri jónindegi mamandandyrylǵan aýdanaralyq soty qarady.
Er adam sot sheshimimen kámeletke tolmaǵan ulyn asyraýǵa alıment tóleýge mindettelgen. Alaıda ol bul mindetin oryndaýdan jaltaryp, nátıjesinde 1,5 mln teńgeden astam bereshek qalyptasqan.
Іsti qaraý barysynda sot onyń jumysqa ornalasyp, tabys tabýǵa múmkindigi bolǵanyna qaramastan, resmı jumys izdeýge áreket jasamaǵanyn, halyqty jumyspen qamtý ortalyǵyna júginbegenin anyqtady.
Jaza taǵaıyndaý kezinde sot aıyptalýshynyń kinásin tolyq moıyndaǵanyn, jasaǵan isine ókinetinin jáne jaýaptylyqty aýyrlatatyn mán-jaılardyń joq ekenin eskerdi. Sonymen qatar onyń turǵylyqty jeri boıynsha teris minezdemege ıe ekeni, alıment óndirý týraly atqarýshylyq qujatty oryndamaǵany úshin birneshe ret ákimshilik jaýapkershilikke tartylǵany jáne buǵan deıin taraptardyń tatýlasýyna baılanysty osy bap boıynsha qylmystyq jaýaptylyqtan bosatylǵany nazarǵa alyndy.
ıAǵnı sot oǵan túzelýge múmkindik bergen, biraq er adam tıisti qorytyndy shyǵarmaǵan jáne balany asyraý jónindegi mindetinen jaltarǵan.
Sot ony Qazaqstan Respýblıkasy Qylmystyq kodeksiniń 139-baby boıynsha kináli dep tanyp, bir jyl merzimge bas bostandyǵynan aıyrý jazasyn taǵaıyndady. Sot úkimi zańdy kúshine endi.
Buǵan deıin 25 tamyzdan bastap alıment arnaıy bank shotyna aýdarylatynyn jazǵan edik.
