SQO-da balany psıhologııalyq-medıtsınalyq-pedagogıkalyq keńesten ótkizý úshin 2-3 aılap kútý qajet
PETROPAVL. QazAqparat – Soltústik Qazaqstan oblysynda erekshe bilim berýge qajettilikteri bar balany psıhologııalyq-medıtsınalyq-pedagogıkalyq keńesten ótkizý úshin 2-3 aılap kezek kútý qajet, dep habarlaıdy QazAqparat tilshisi.
Psıhologııalyq-medıtsınalyq-pedagogıkalyq keńes – ártúrli mamandardyń balany keshendi dıagnostıkadan ótkizetin komıssııa. Sonyń qorytyndysyna qaraı balanyń qandaı mektepte - jalpy bilim beretin nemese arnaıy oqý ornynda dáris alatyndyǵy anyqtalady.
Búgingi tańda psıhologııalyq-medıtsınalyq-pedagogıkalyq keńeske kezek kóp.
AMANAT partııasy SQO fılıaly janyndaǵy bilim berý jáne densaýlyq saqtaý máseleleri jónindegi Qoǵamdyq keńes balalar psıhologtarynda konsýltatsııalardy uzaq kútý sebepterin anyqtady.
Mekeme basshylyǵynyń aıtýynsha, qazir 238 bala komıssııa qabyldaýyn kútip otyr. ⠀
«Ókinishke oraı, elimizdiń zańnamasyna sáıkes bir psıhologııalyq-medıtsınalyq-pedagogıkalyq keńes 60 myń balaǵa qyzmet kórsetýi tıis. Salystyrý úshin: shet elderde 7 myń balaǵa – bir keńes. Aldaǵy ýaqytta zańnamadaǵy talap 50 myń balaǵa deıin azaıtylsa, Qyzyljar aýdanynan taǵy bir osyndaı mekeme ashylýy múmkin», - dedi AMANAT partııasy SQOF janyndaǵy bilim berý jáne densaýlyq saqtaý máseleleri jónindegi qoǵamdyq keńestiń hatshysy Roza Shákenova.
Qazirgi ýaqytta SQO-da erekshe bilim berý qajettilikteri bar balalarǵa osyndaı úsh komıssııa ǵana jumys isteıdi. Olar Sergeevkada, Talshyqta jáne oblys ortalyǵynda ornalasqan.
Petropavldaǵy mekeme qala men bes aýdanda turatyn balalarǵa qyzmet kórsetedi. ıAǵnı oblys ortalyǵyndaǵy psıhologııalyq-medıtsınalyq-pedagogıkalyq keńestiń qaraýynda 84 myń bala bar.
Oblystyq PMPK pedagog-psıhology Elena Maşenkonyń aıtýynsha, qazirgi zań boıynsha eki keńestiń jumysy úshin bul san az, al bireýi úshin – tym kóp júkteme. Sol sebepti balalarǵa psıhologııalyq-pedagogıkalyq kómek kórsetý merzimi uzaqqa sozylǵan.
