SQO-da balalarynan alıment alyp otyrǵan 7 qarııa bar
SQO prokýratýrasynda alıment, eńbekaqyny jáne memleket kirisine óndirip alý máselesi boıynsha vedomstvoaralyq keńes ótti.
Prokýrorlardyń aıtýynsha, óńirde qazirgi ýaqytta alıment alatyn 7 933 bala jáne 7 qart ata-ana bar.
Alıment tólemeıtinder sany 170 adam, olardyń jalpy bereshegi 166,3 mln teńgege jetken.
«Jekelegen sot oryndaýshylarynyń óz jumysyna enjarlyq tanytýy qaryzdyń ósýine, boryshkerlerdiń ýaqtyly alıment tólemeýine ákeledi. Saldarynan kámeletke tolmaǵan balalardyń quqyǵyna nuqsan keledi. Fýnktsıonaldyq mindetin tıisinshe oryndamaǵany úshin 71 sot oryndaýshysy ártúrli tártiptik jaýapkershilikke tartyldy», - deıdi SQO prokýratýrasynyń basqarma prokýrory Pavel Semenov.
Alımentti qasaqana tólemeýshilerge zań talaby qatal. Bıyl 8 adam qylmystyq jaýapkershilikke tartyldy.
Qazir 14 qylmystyq is boıynsha sotqa deıingi tergeý júrip jatyr.
98 boryshker ákimshilik jaýapkershilikke tartyldy, onyń ishinde 52 boryshker qamaýǵa alyndy, 46 boryshkerge aıyppul salynǵan.
«Alıment tólemeıtinderge qatań shara qoldanylady, máselen júrgizýshi kýáliginiń kúshi joıylady, oblysta qazir osyndaı 69 adam bar. Budan basqa 95 boryshkerge izdeý jarııalandy, 42-siniń júrgen jeri anyqtaldy», - deıdi Pavel Semenov.
