SQO-da balalaryna alıment tólemeı júrgen ana ózge óńirden tabyldy
PETROPAVL. QazAqparat – Soltústik Qazaqstan oblysynda polıtseıler sot sheshimimen nemese sot oryndaýshylardyń qaýlysymen izdeý jarııalanǵan alımentshilerdi izdestirý jumystaryn júrgizýde, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, aktsııanyń birinshi kúni balalaryna alıment tólemegen nemese basqa tólemder boıynsha bereshegi bar 7 adamnyń júrgen jeri anyqtaldy.
SQO Ǵ.Músirepov atyndaǵy aýdannyń kóshi-qon qyzmetiniń mamandary Qostanaı oblysyndaǵy áriptesteriniń kómegimen eki qyzyna alıment tólemeı júrgen áıeldi izdep tapty. 43 jastaǵy «kókek» ana osydan 5 jyl buryn otbasyn tastap ketken. Qazir onyń balalary aldyndaǵy qaryzy 600 myń teńgeden asady. Al qyzdar ákesimen birge Soltústik Qazaqstan oblysynda turyp jatyr.
«Aktsııa 9-11 jeltoqsan aralyǵynda ótedi. Іzdeýde júrgen adamdardyń júrgen jerin anyqtap, barlyq aqparatty sot oryndaýshylaryna beremiz. Olar qaryzdy óndirip alý boıynsha odan ári is-sharalardy júrgizedi», - deıdi SQO PD kóshi-qon qyzmeti basqarmasynyń bastyǵy Talǵat Ábilov.
Qazaqstandaǵy bankterdiń birine qaryz 40 jastaǵy er adamdy polıtseıler Reseıdiń Omby qalasynda tapty. Tártip saqshylary aktsııanyń birinshi kúni 3 alıment tólemeýshiniń jáne 4 boryshkerdiń turǵylyqty mekenjaılaryn anyqtaǵan.
