SQO-da balalarǵa arnalǵan ónimderdiń qaýipsizdigi tekserildi
PETROPAVL. QazAqparat - Soltústik Qazaqstan oblysynda balalar men jasóspirimderge arnalǵan ónimder qaýipsizdigine monıtorıng jasaldy, dep habarlaıdy «QazAqparat» HAA tilshisi.
Qoamdyq densaýlyq saqtaý departamenti baspasóz qyzmetiniń málimetinshe, jyl basynan beri mamandar 193 caýda ornynan ónim satyp alyp, balalar men jasóspirimderge arnalǵan taýarlardyń 270-ten astam synamasyn zerttegen. Sonyń ishinde balalar oıynshyqtarynyń 155 synamasy bar.
«89 synamala tehnıkalyq talaptarǵa sáıkes kelmedi. Sonyń ishinde tańbalaý, organoleptıkalyq kórsetkishter, toksıkologııalyq-gıgıenalyq kórsetkishter normadan aýytqyǵan», - dep túsindirdi baspasóz qyzmeti.
Tehnıkalyq qaǵıdatqa sáıkes kelmeıtin ónimderdiń kóbi óńirge Qytaı, Reseı jáne Ýkraınadan jetkizilgen.
«Ónimderdiń tańbalanýy naqty, tekserile, oqyla alatyn jáne tekserý, sáıkestendirý úshin qoljetimdi bolýy tıis. Ol buıym, zattańba, qaptamanyń nemese ónimniń qosymsha paraǵyna salynady. Ónimdi tańbalaýǵa ol shyǵarylǵan eldiń ataýy, óndirýshisi, ımporttaýshysy, dıstrıbıýtorynyń ataýy men ornalasqan jeri, ónimniń ataýy, onyń túri men taǵaıyndalýy, eger qajet bolsa - shyǵarylǵan kúni, naryqtaǵy biryńǵaı belgisi, qyzmet jáne kepildik merzimi, taýarlyq belgi kiredi», - delingen habarlamada.
