SQO-da balalardy jarysqa apara jatqan muǵalim qaza tapty
ASTANA. QazAqparat - «Jezqazǵan-Petropavl» tas jolynda, Esil aýdanynyń ortalyǵynan birneshe shaqyrym jerde bolǵan jol apatynan bir er adam qaza tapty. SQO ІІD baspasóz qyzmetiniń habarlaýynsha, ol balalardy jarysqa apara jatqan muǵalim eken, dep habarlaıdy QazAqparat.
Baspasóz qyzmetiniń aqparatyna súıensek, jol apaty keshe, 14 qazan kúni bolǵan. Volkswagen Gof markaly kóliktiń júrgizýshisi - 46 jastaǵy azamat kók taıǵaqtyń kesirinen rýlge ıe bola almaı, joldyń qarsy betine shyǵyp ketip, Lada Priora markaly kólikpen soqtyǵysqan. Apat kezinde Volkswagen kóliginiń ishinde eki oqýshy otyrǵany anyqtaldy.
«Jol apatynyń saldarynan Volkswagen Golf kóliginiń júrgizýshisi qaza tapty. Kóliktegi eki jolaýshy Esil aýdanynyń aýrýhanasyna jetkizildi. Kelesi kóliktiń júrgizýshisi azdap jaraqat alǵan», - dep habarlady SQO ІІD baspasóz qyzmetiniń jetekshisi Madına Balǵashoqova.
Zardap shekken balalardyń 15 jáne 16 jastaǵy oqýshylar eken. Balalar aýdandyq aýrýhanaǵa jetkizilgen soń, oblys oortalyǵynan sanavıatsıaıynyń kómegimen bilikti dárigerler ushyp ketti. Qazir balalardyń jaǵdaıy jaqsy, dep habarlady oblystyq densaýlyq saqtaý basqarmasynyń baspasóz qyzmeti.
Qazir sotqa deıingi tergeý bastaldy. Qylmystyq kodekstiń 345 baby boıynsha qylmystyq is qozǵalǵan.
