SQO-da balalar oıynshyqtarynan qaýipti zattar tabyldy
PETROPAVL. QazAqparat - Qoǵamdyq densaýlyq saqtaý departamentiniń basshysy Serikbaı Qasmaqasov SQO dúken sórelerindegi sapasyz ónimder týraly aıtty, dep habarlaıdy «QazAqparat» HAA tilshisi.
Serikbaı Qasmaqasov óńirlik kommýnıkatsııalar qyzmetiniń brıfınginde byltyr halyq tutynatyn 2,7 myńnan astam tamaq ónimderi men taýarlary tekserilgenin málim etti. Olardyń 6,6%-y talapqa saı kelmegen.
«Salystyrma taldaý kórsetkendeı, talapqa saı kelmeıtin ónimderdiń basym bóligi (67,8%) ımporttyq ónimderge tıesili», - dedi S. Qasmaqasov
Kóbinese balyq, aspazdyq ónimder, sút jáne sút ónimderi, et talapqa saı emes.
Balalar oıynshyqtarynyń 132 synamasynyń tórtten bir bóligi tehnıkalyq reglament talaptaryna saı emes. Mamandar Reseı jáne Qytaı óndirgen úsh túrli oıynshyqtan formaldegıd pen fenol tapqan.
«Byltyr Byltyr 770 myń teńgeden astam somaǵa ákimshilik quqyq buzýshylyq týraly 23 hattama toltyrylǵan. Sot organdaryna 6 materıal berilip, 1,8 mıllıon teńge somaǵa ákimshilik aıyppul salý týraly sottyń 6 úkimi shyǵaryldy. Onyń ishinde, obektilerdiń qyzmetin toqtata turý týraly 6 sheshim qabyldandy. 2,5 mıllıon teńgeden astam somada aıyppul salynǵan», - dedi S. Qasmaqasov
Sondaı-aq, ol óńirde jalpy talapqa saı kelmeıtin ónimder sanynyń tómendep jatqanyn aıtty.
