SQO-da balalar neırohırýrgi bolmaǵandyqtan turǵyndar Astanaǵa barýǵa májbúr
PETROPAVL. KAZINFORM – Soltústik Qazaqstan oblysynda medıtsınalyq mamandardyń jetispeýshiligi bar, sonyń biri – balalar neırohırýrgi.
Bul másele SQO-daǵy Maǵjan Jumabaev aýdanynda jergilikti depýtattyń medıtsına qyzmetkerlerimen kezdesýinde kóterildi. Tar beıindi mamannyń bolmaýynan turǵyndar Astana qalasyna barýǵa májbúr.
Aýdandyq emhana qyzmetkeriniń aıtýynsha, onyń balasyna turaqty baqylaý qajet, qazir ár tekseris úshin Ulttyq neırohırýrgııa ortalyǵyna barady. Qabyldaý men tekserý aqyly negizde júrgiziledi.
Kezdesý barysynda bul máseleniń bir ǵana otbasyǵa emes, birneshe turǵynǵa ortaq ekeni belgili boldy. Jıynda sondaı-aq, aýdandyq emhanaǵa aparatyn joldyń jaǵdaıy synǵa alyndy. Sonymen qatar Jastar aýyly aýylyndaǵy mekteptiń jabylý qaýpi turǵyndardy alańdatyp otyr.
- Oblysta balalar neırohırýrgynyń joqtyǵy keıinge qaldyrýǵa bolmaıtyn másele. Biz ony buǵan deıin de kótergenbiz, taǵy da mınıstrlikke shyǵamyz, sebebi bul - ortaq másele. Búgin basqa da problemalar aıtyldy. Emhanaǵa aparatyn sapasyz joldy ákimdikpen qarastyramyz. Jastar aýylyndaǵy mektepti alyp qalý boıynsha, osy ýaqyt ishinde oqýshylar sanyn kóbeıtý boıynsha jumys júrgizý qajet, - dedi aýdandyq máslıhat depýtaty Aızada Rahmetova.
Buǵan deıin SQO-da dárigerler omyrtqaǵa zamanaýı ádispen kúrdeli ota jasaǵanyn jazǵan edik.
