SQO-da balalar kitaphanasy memlekettik-jekeshelik áriptestikke berilmek
Elimizdiń kitaphana júıesinde engizilgeli otyrǵan pılottyq joba 12 jylǵa eseptelgen. ıAǵnı, kásipkermen osy ýaqyt merzimine kelisim jasalady. Ǵ.Músirepov atyndaǵy balalar-jasóspirimder kitaphanasy osylaısha ǵımarattyń onnan bir bóligin – 120 sharshy metrdi jalǵa bermek. Dırektor Kógarshyn Berdiǵulovanyń pikirinshe, budan memlekettik mekemeniń utary kóp.
«Pılottyq joba «Memlekettik-jekeshelik áriptestik aıasynda Ǵ.Músirepov atyndaǵy balalar-jasóspirimder kitaphanasy negizinde kitaphanalyq-bilim berý klasterin qurý» dep atalady. Qazir daıyndyq jumystary júrip jatyr. Yqtımal jetkizýshige qoıylatyn talap kóp, sol sebepti tilek bildirýshiler kóp emes. Máselen, jobaǵa qatysýshy kásipker kitaphananyń jıhazyn jańartýǵa 2,5 mln teńge bólýi tıis. Budan basqa kitap qoryn tolyqtyrýǵa 1 mln teńge aýdarady. 12 jylǵa jalǵa bergen merzimde kompıýterlik tehnıkamyzdy jańartyp almaqshymyz», - deıdi Kógarshyn Berdiǵulova.
Al kelgen kásipker jalǵa alǵan jerde aqyly úıirmeler ashýǵa quqyly. Jospar boıynsha robototehnıka, jyldam oqý, teatr arqyly aǵylshyn tilin úıretý úıirmelerin ashyp, mektepke daıyndaý, oqýshylarǵa úı tapsyrmasyn oryndaýǵa kómektesý sekildi qyzmetterdi kórsetpek.
«Kitaphana, jasyryn emes, qazirgi ýaqytta jartylaı bos. Burynǵydaı oqý zaldary tolyp turmaıdy, 4-5 bala otyrsa qýanatyn jaǵdaıǵa jettik. Zaman talabyna saı kitaphana – balalardy tartatyn, qyzyqtyratyn ortalyq bolýy kerek. Jańa, sándi úıirmeler ashylsa – jasóspirimder keledi. Al kelgen balany keıin oqyrman qataryna tartý – bizdiń mindetimiz.
Biz – memlekettik mekeme bolǵandyqtan aqyly úıirmeler asha almaımyz. Al sol
Pılottyq joba, ázirshe el boıynsha tek SQO-da júzege asyrylmaq. Aıta keteıik, oblystyq balalar-jasóspirimder kitaphanasynyń qorynda qazir 212 myńnan astam kitap bolsa, oqyrmandar sany búginde 16 myńnan asqan.
