SQO-da balalar arasynda qyzamyqpen aýyrý 11 ese artty

PETROPAVL. QazAqparat – Soltústik Qazaqstan oblysynda bıyl qyzamyq juqtyrýdyń 522 jaǵdaıy tirkeldi. Bul ótken jyldyń sáıkes kezeńimen salystyrǵanda 11 ese kóp, dep habarlaıdy QazAqparat tilshisi.

SQO sanıtarııalyq-epıdemıologııalyq baqylaý departamenti basshysy Áset Jumataevtyń aıtýynsha, qyzamyq aýrýy bıyl órship otyr.

Aýyrǵandardyń basym bóligi - Petropavl turǵyndary, 415 adam juqtyrǵan. Sondaı-aq syrqattanǵandardyń 94 % - 14 jasqa deıingi balalar.

«Byltyr sáıkes kezeńde 45 adam ǵana aýyrǵan. Petropavl men eki aýdanda ǵana syrqattaný jaǵdaılary tirkeldi. Bıyl tek úsh aýdanda ǵana aýyrǵandar bolmady. Qyzamyq – jeńil túrde ótip jatyr, qazirgi ýaqytta karantınge jabylǵan mektepter joq. Ádette, mektepke deıingi bilim berý mekemeleri, sonyń ishinde 6 jasqa deıingi balalar bar toptar jabylady. Mektepterde juqtyrǵan balalar da oqshaýlanbaıdy. Olar ambýlatorlyq em alýǵa jiberilip, dárigerlerdiń baqylaýynda bolady», - deıdi Áset Jumataev.

Bas sanıtar dárigerdiń aıtýynsha, qazirgi ýaqytta óńirde qyzamyqqa baılanysty úsh balabaqshada karantındik sharalar qolǵa alyndy. ıAǵnı toptarǵa jańadan bala qabyldanbaıdy, sabaqtar bir kabınette ǵana ótedi.

«Qyzamyqpen aýyrǵan adam 7 kún dárigerdiń baqylaýynda bolady. Ádette dertti juqtyrǵan syrqattyń dene qyzýy kóteriledi, ishý aýrýyp, qusýy múmkin. Eń basty belgisi – tili qyzaryp, denesi bórtýi múmkin. Bul belgiler paıda bolǵan jaǵdaıda mindetti túrde dárigerge qaralǵan jón», - deıdi Áset Jumataev.

Buǵan deıin SQO-da tumaý juqtyrǵandar sany artqanyn aıtqan edik. Eki aıdyń ishinde zerthanalyq rastalǵan 216 jaǵdaı tirkeldi.