SQO-da balalar arasynda koronavırýs juqtyrý 8,5 ese artty
SQO densaýlyq saqtaý basqarmasy bastyǵynyń orynbasary Nurlan Aımanovtyń aıtýynsha, bıyl SQO-da 829 bala koronavırýs juqtyrǵan. Olardyń 621-i táýir boldy. Ókinishke oraı, bir jastan endi asqan sábı qaıtty.
Qazir 207 bala dárigerlerdiń baqylaýynda bolsa, oblystyq balalar aýrýhanasynda 42 bala em qabyldap jatyr.
«KVI juqtyrǵan balalardyń ishinde asa aýyr jaǵdaılar joq. Olardyń bárinde de ortasha deńgeı. Buryn balalarda jeńil ótetin, negizinen aýrý belgisi bolmaıtyn. Qazir balalar dene qyzýy kóterilip, ókpesi qabynyp túsedi. Jalpy shilde aıynda balalar arasynda koronavırýsty juqtyrǵandar sany 8,5 ese ósti. Gospıtalızatsııa 4 ese artty. 165 bala ambýlatorlyq em alyp jatyr», - deıdi Nurlan Aımanov.
Jalpy SQO-da ambýlatorııalyq em alyp jatqandardyń sany 6 ese ósip otyr. Eger maýsym aıynda olardyń sany 250 bolsa, qazir 1585-ke jetken. Olardyń barlyǵy aýyryp jatqandar, ıaǵnı dene qyzýy bar, pnevmonııa dıagnozy qoıylǵandar.
«Aýyrǵandardyń 80 %-ynda «Delta» shtamy belileri bar. ıAǵnı aýrý óte jedel damıdy. Infektsıalyq statsıonarlarǵa túsip jatqandarmen áńgimelesken ýaqytta, olar: Býrabaıda boldym, anda bardym, toıda, batada, jylynda, tusaý keserde, taǵysyn taǵylarda boldym dep aıtady. Ózimiz de baıqap júrmiz, sońǵy ýaqytta barlyq otbasylyq is-sharalar úıde ótetin bolǵan. Munyń bárin qoıý kerek. Ázirge medıtsınalyq mekemeler shtattyq rejımde jumys istep jatyr. Jaǵdaı osylaı jalǵasatyn bolsa, josparly gospıtalızatsııany ýaqytsha toqtatýǵa týra keledi», - deıdi Nurlan Aımanov.
