SQO-da balabaqshalardyń jumys isteýine ruqsat berildi

PETROPAVL. QazAqparat – Soltústik Qazaqstan oblysynda bas memlekettik sanıtar dárigeriniń jańa qaýlysy shyqty. Ózgerister negizinen balabaqshalar men mektepterge qatysty, dep habarlaıdy QazAqparat tilshisi.

SQO bas memlekettik sanıtar dáriger Áset Jumataevtyń jańa qaýlysyna sáıkes, balabaqshalar keı talaptardy qatań saqtaı otyra jumys isteı alady. ıAǵnı ata-analardyń balabaqsha ishine kirýine ruqsat joq. Sondaı-aq toptar arasynda túrli is-sharalardy ótkizýge tyıym salynǵan.

2020-2021 oqý jylynyń úshinshi toqsanyn adam sany 300-den aspaıtyn mektepter, oqýshy sany 15-ten aspaıtyn synyptar dástúrli formatta bastaıdy.

2021 jyldyń 1 naýryzynan bastap jalpy bilim beretin mektepterde mektep aldy synyptarynyń oqýshylary, 1-den 5-ke deıingi synyptardyń, halyqaralyq mektepterde 1-den 7-ge deıingi synyptardyń oqýshylary dástúrli túrde bilim alyp jatyr. Alaıda synyptardaǵy balalar sany 25 adamnan kóp bolmaýy tıis.

Mektep bitirýshi synyptardyń oqýshylary úshin 70 % pánder mektepte, 30 %-y qashyqtan oqytylady. Synypta 15 adamnan kóp bolmaýy qajet jáne «1 synyp - 1 kabınet» qaǵıdaty qatań saqtalýy kerek. Sanıtarııalyq-dezınfektsııalyq jáne maska rejımderin saqtaý mindetti. Al bilim berý uıymy ákimshiligi óz uıǵarymy boıynsha oqýshylardy sabaqtan tys ýaqytta 15 adamnan aspaıtyn toptarda jeke oqyta alady.

Jańa qaýly qol qoıylǵan kúnnen, ıaǵnı búginnen bastap kúshine endi.

Buǵan deıin SQO-da kóptegen oıyn-saýyq ortalyqtarynyń jumys isteýine ruqsat berilgendigi jóninde habarlaǵan edik.