SKO-da balabaqshalardy vaýcherlik qarjylandyrý máselesi sheshildi
PETROPAVL. KAZINFORM — Petropavldaǵy barlyq memlekettik jáne jekemenshik balabaqsha vaýcherlik qarjylandyrý boıynsha jańa kelisimsharttarǵa otyryp, másele sheshildi.
Bul problema Soltústik Qazaqstan oblysynyń Kásipkerler palatasynda qaralǵan edi. SQO-daǵy jeke balabaqshalar pılottyq jobanyń merzimi bitip, «Qarjy ortalyǵy» AQ sózbuıdaǵa salyp, kelisimshartty uzartýǵa asyqpaı otyrǵanyna shaǵymdanǵan edi.
Saldarynan qaladaǵy 49 uıym, onyń ishinde 16 jekemenshik balabaqshaǵa tólemder keshigip, kommýnaldyq qyzmetter men jalaqyǵa qatysty qaryz týyndaǵan edi. Oblys prokýratýrasynyń jedel áreket etýiniń nátıjesinde másele sheshimin tapty.
— 30 naýryzda qalalyq bilim bólimi bizge barlyq memlekettik jáne jekemenshik balabaqshalar 2026 jylǵy 1 shildege deıin vaýcherlik qarjylandyrýǵa qosylý kelisimsharttaryna qol qoıǵanyn habarlady, — deıdi SQO Kásipkerler palatasynyń sarapshysy Olga Dostler.
Naýryz aıyna arnalǵan qarjy tolyq kólemde Petropavl qalalyq bilim bólimi arqyly Qarjy ortalyǵyna aýdaryldy. Vedomstvonyń málimetinshe, kelisimsharttar jańartylǵan soń, aqpan aıyna arnalǵan aktiler de qaıta qaralyp, tólemder naqty kórsetilgen qyzmet kólemine sáıkes júrgiziledi.
Buǵan deıin SQO-da jekemenshik balabaqshalar qarjylandyrýsyz qalýy múmkin ekenin jazǵan edik.
