SQO-da balabaqsha qyzmetkerleri ótirik bala sanyn kóbeıtip, bıýdjetten aqsha alyp kelgen
PETROPAVL. KAZINFORM – Soltústik Qazaqstan oblysynyń prokýrorlary Aıyrtaý aýdandyq bilim bólimi qyzmetkerlerine qatysty sotqa deıingi tergeý júrgizip jatyr. Qadaǵalaýshy organ bilim berý salasyn tekserý barysynda birqatar bylyqtyń betin ashty.
SQO prokýratýrasynyń málimetinshe, Aıyrtaý aýdandyq sotynyń úkimimen mektepke deıingi uıymnyń qyzmetkeri keltirilgen zııandy memleket bıýdjetine tolyq kólemde ótedi. Budan bólek 3 jyl 6 aıǵa bas bostandyǵy shekteldi.
«Tekserý barysynda Aıyrtaý aýdandyq prokýratýrasy balabaqshalardyń birinde qyzmetkerlerdiń joq balalardy tirkeý arqyly bıýdjet qarajatyn zańsyz alǵandaryn anyqtady. Bul 2021-2024 jyldar aralyǵynda bolyp, úsh jylǵa jalǵasqan», - deıdi prokýratýra ókilderi.
Sonymen qatar Aıyrtaý aýdandyq prokýratýrasy osy aýdandaǵy bilim bóliminiń qyzmetkerlerine qatysty bastalǵan sotqa deıingi tergep-tekserýdi júrgizip jatyr. Mamandar, qylmystyq-protsestik kodekstiń 201-babynyń talaptaryna sáıkes sotqa deıingi tergep-tekserý derekteri jarııa etýge jatpaıdy. Budan bólek tekserýler barysynda órt qaýipsizdigi, sanıtarlyq normalar, balalardyń ınternet jelisinde tyıym salynǵan aqparatqa qol jetkizýi sekildi birqatar faktiler anyqtaldy.
Anyqtalǵan zań buzýshylyqtar boıynsha qadaǵalaý aktisi engizilip, kináliler túrli jaýapkershilikke tartyldy.
Buǵan deıin SQO-da salymshylardy aldaǵan qurylys fırmasynyń basshylary 6 jylǵa sottalǵanyn jazǵan edik.
