SQO-da Azıada jeńimpazdaryna aqshalaı syılyq tabystaldy
Soltústik Qazaqstan oblysynan Qytaıda ótken Azııa oıyndaryna 7 sportshy qatyssa, sonyń úsheýi el qorjynyn altyn, kúmis jáne 2 qola medalmen toltyrdy. Búgin júldegerlerdi óńir basshysy Ǵaýez Nurmuhambetov quttyqtap, aqshalaı syıaqy tapsyrdy, dep habarlaıdy Kazinform.
Jarysta veloshabandoz Alekseı Lýtsenko altyn jáne kúmis júlde alsa, velotrekshi Artem Zaharov jáne boksshy Natalıa Bogdanova qola medaldi ıelendi.
«Oblystan barǵan jeti sportshy jaqsy nátıje kórsete bildi. Jalpy bizdiń oblys velosporttan kósh bastap turǵan óńirlerdiń bir. Onyń birden-bir dáleli - Aleksandr Vınokýrov pen onyń jolyn qýǵan Alekseı Lýtsenko. Azııa oıyndarynda jaqsy óner kórsetken sportshylarymyzǵa Parıjde ótetin olımpıadada úzdik bolýlaryna tilektespin», - dedi Ǵaýez Nurmuhambetov.
Óńir basshysy sportshylar men olardyń bapkerlerin quttyqtap, alǵys hat pen aqshalaı syıaqy berdi.
El qorjynyna besinshi altyn medaldi salǵan Alekseı Lýtsenko 1,5 mln teńgeniń sertıfıkatyn, qola júldege ıe bolǵan Artem Zaharov pen Natalıa Bogdanova 750 myń teńge syıaqy aldy.
«Márege sońǵy shaqyrymdar qalǵanda Evgenıı Fedorovqa jol berýdi sheshtim. Sebebi, ol áli jas. Ári óte myqty sportshy. Byltyr jastar arasynda ótken Álem chempıonatynda jeńiske jetti. Ekeýmiz birge jattyǵamyz. Daıyndyq barysynda jeńiske degen qulshynysyn kórdim. Altyn júldege ábden laıyq. Sol sebepti oǵan jol berip, máre syzyǵynan ekinshi bolyp ótýdi sheshtim», - deıdi Azııa oıyndarynyń tórt dúrkin chempıony Alekseı Lýtsenko.
Sportshylardyń bapkerlerine 500 myń teńgeniń sertıfıkaty tabystaldy.
