SQO-da ázerbaıjan halqy Naýryz meıramyna daıyndyqty bastap ketti
SQO-da ázerbaıjan mádenı ortalyǵy 1995 jyly alǵashqylardyń biri bolyp quryldy. Qazir óńirde 1800-ge jaqyn ult ókili turyp jatyr. Barlyq túrki tildes halyqtar sııaqty ázerbaıjandar úshin de Naýryz meıramynyń alar orny erekshe.
Ázerbaıjan ulttyq mádenı ortalyǵynyń tóraǵasy Shyńǵys Kýrbanovtyń aıtýynsha, Naýryz meıramy aldyndaǵy aıdyń ár sársenbisin ázerbaıjan halqy tirshiliktiń tórt qudiretine: sý, ot , jer jáne aýaǵa arnaıdy. ıAǵnı, «Sý Chershenbe» - sýǵa arnalǵan sársenbi, «Odlý Chershenbe» - otqa arnalǵan sársenbi, «Torpag Chershenbe» - jerge arnalǵan sársenbi jáne «Ahyr Chershenbe» - sońǵy sársenbi. Nanym-senim boıynsha birinshi sársenbide sý tazarady, keıin kezekpen ot jáne jer jańarady. Al sońǵy sársenbide aǵashtar búrshik jarady. Bul - qystyń aıaqtalyp, Jańa jyldyń kelgenin bildiredi.
«Naýryz meıramynda salt-dástúrlerimizdi eske alamyz, ustanýǵa tyrysamyz. Solardyń biri ottan sekirý. Otbasynyń ár múshesi ottan sekirýi kerek. Ot sóngesin kúlin eldi mekennen shyǵaryp tastaıdy. Bul - tazarýdyń belgisi», - deıdi Shyńǵys Kýrbanov.
Naýryz meıramyna daıyndyq barysynda jasalatyn taǵy bir dástúr - arnaıy taǵam «semenı» ázirleý. Otbasynda molshylyq bolý úshin bıdaıdy aldyn ala ydysta ósiredi. Óskin jaqsy shyqsa - keler jyly alynatyn ónim de mol bolmaq. Jalpy, ázerbaıjan halqy da merekelik dastarhanǵa asa mán beredi. Jeti taǵamnan turatyn Naýryz kóje ázirlemese de, mindetti túrde s árpinen bastalatyn jeti taǵamdy ústelge qoıady eken.
«S árpinen bastalatyn sıýd-sút, semenı, sabzı-kókónis, taǵy basqalaryn dastarqanǵa qoıamyz. Budan basqa ústelde aına, boıalǵan jumyrtqa jáne balaýyz sham bolýy qajet. Ot - jyn-shaıtannan qorǵaıdy, Jumyrtqa men aına eski jyldyń bitkeniniń jáne jańa jyldyń alǵashqy kúniniń belgisi», - deıdi Shyńǵys Gadjımamed ogly.
Ázirbaıjandar da qazaqtar sııaqty qonaqjaı halyq. Mereke kúnderi olardyń esikteri jabylmaıdy. Týǵan-týystaryn, kórshi-qolańdy aralap, meırammen quttyqtaıdy, táttilerden aýyz tıedi. Jańa jyldy toılaý merekesi tek 13-kúnnen keıin ǵana aıaqtalady eken.
«Naýryz meıramy - eń kóne jáne salt-dástúrge baı merekelerdiń biri. Ol - jyl basy, jańarýdyń belgisi. Osy meırammen barsha qazaqstandyqtardy quttyqtaımyn. Eń aldymen, árıne densaýlyq, otbasy amandyǵyn, baqyt, sáttilik tileımin. Birligimizden aıyrmasyn, álemde beıbitshilik bolsyn», - deıdi ázirbaıjan ultynyń ókili Shyńǵys Kýrbanov.
Ázirbaıjan ulttyq mádenı ortalyǵynyń músheleri oblysta, Petropavl qalasynda ótetin sharalardan qalys qalmaıdy. Jyl saıyn dástúrli túrde ázirbaıjan ulttyq mádenıetiniń festıvalin uıymdastyryp, oblys ortalyǵynda ótetin Naýryz merekesine de belsene qatysady. Bıyl da qala turǵyndary men qonaqtaryn kóktem merekesinde án-bı, mol dastarqanmen qarsy almaq.
