SQO-da áıel garajda jasyryn bosanyp, balasyn qaldyryp ketken
PETROPAVL. KAZINFORM – Soltústik Qazaqstan oblysy Ǵ.Músirepov atyndaǵy aýdanda áıel garajda bosanyp, balasyn qaldyryp ketken. Qazir osy oqıǵa boıynsha sotqa deıingi tergeý bastaldy.
25 jastaǵy áıel jasyryn bosanyp, qan ketkennen keıin Ǵ.Músirepov atyndaǵy aýdannyń ortalyq aýrýhanasyna kórinýge májbúr bolǵan. Tekserý barysynda onyń garajda bala týǵany málim boldy.
SQO Polıtsııa departamenti baspasóz qyzmetiniń málimetinshe, qaýipti jaǵdaıda qaldyrý belgileri boıynsha qazir sotqa deıingi tergeý bastaldy. Barlyq jaǵdaı anyqtalady.
SQO Densaýlyq saqtaý basqarmasy baspasóz qyzmetiniń málimetinshe, qazir áıel aýdandyq aýrýhanada jatyr, densaýlyǵy jaqsy. Náreste oblystyq perınataldyq ortalyqqa jetkizildi. Qazirgi ýaqytta dárigerlerdiń baqylaýynda, jaǵdaıy turaqtaldy.
Buǵan deıin SQO-da 11 jastaǵy qyzǵa anasy pyshaq suǵyp alǵanyn jazǵan edik. Dárigerler der kezinde ota jasap, jasóspirimniń beti beri qarady.
