SQO-da aıazǵa baılanysty joldar jabyq
ASTANA. QazAqparat - Qatty aıazǵa baılanysty Soltústik Qazaqstan oblysy aýmaǵyndaǵy joldar jabyq, dep habarlaıdy QazAqparat.
«Qazaqavtojol» RMK-nyń málimetinshe, qazirgi ýaqytta SQO-da dızeldik otynmen júretin jáne qoǵamdyq kólikter úshin jolǵa shyǵýǵa shekteý bar. Elimizdiń ózge óńirlerindegi respýblıkalyq mańyzy bar joldarda kólik qozǵalysy qalypty tártipte júzege asyrylýda.
Budan buryn habarlanǵandaı, Qazaqstanda 3 kúnde aıaz kúsheıedi. «Qazgıdromet» RMK-nyń habarlaýynsha, Karsk teńizinen arktıkalyq aýa Qazaqstannyń soltústik aýdandaryna jetip, aıazdyń kúsheıýine sebep boldy. Aldaǵy úsh táýlikte 5-15º S klımattyq normadan tómen temperatýramen aıaz ońtústik-shyǵys baǵytqa aralasyp, birtindep Qazaqstannyń barlyq aýmaǵyn qamtıdy. Aıazǵa qalyń qar men boran qosylady. Bul aýa raıyn kúrdelendire túspek.
